Woodstock Rastää

Feste | Partys

Rastede - Moorgens de Nordwestzeitung to lesen is ja jümmers dat Eerste bi mi. De Artikel över Rastää interessiert mi jo besünners. Wat ist dat? "Woodstock ist in Rastede wieder gegenwärtig". Ik krieg een Schock. All woller steiht mien Naam in´e Zeitung? Wat hebb ik dor bloots anricht mit mien Schrieveree över Woodstock in "www.mein-rastede-de"? Dorbi wull ik doch bloots över mien Theaterstück schrieven "Mien Oma is een Hippie". All de Kommentars, de dor keemen, dat hett mi jo sülfst överrascht. Un wat dor van togang keem! Toerst wullen wie en Sit-In op´n Rennplatz maken mit Gitarre-Speelen an´n Lagerfüür. Aver dröft wi dat överhaupt? Un de Termin? An´n 22.August? Gau schreev Christian Schwarz us, dat denn de Rebeatles op´n Rennplatz speelt. Jo, denn köönt Arndt, Silke un Kerstin jo as Vörkoppel speelen. Nee, so, as wi us dat vörstellt hebbt, geiht dat doch nich. Also drapt wi us eerstmaal, um dat allens to bespreken, und dat regelmäßig.
Ja, leeve Lüüd, nu kaamt wi dor nich mehr rut. Nu weet al to veel Lüüd darvan. Toerst harrn wie Bang, dat wi nich noog Lüüd tohoop kriegt un nu mööt wi oppassen, dat dat Rastää-Woodstock-Festival nich so groot ward as dat richtige Woodstock-Festival.
Na, op jeden Fall makt dat Spaaß. Berühmt weern wull ik ja all jümmers, aver op dat nu noch nödig deiht? Dat nennt man denn woll "späte Karriere".

Schlagworte: Woodstock Rastede

Geschrieben auf: mein-rastede.de