Allens Theater?

Kultur | Theater und Kabarett

Rastede - Intwischen weet dat de ganze Welt, dat Irma un Tine een Keerl in´t Internet söcht. Aver nix passeert. Kien Kandidat hett sik meldt. Na ja, nums troot sik mehr, wo wi doch allens, wat wi in disse Singlebörse (de Namen ward natüürlich nicht verraden) belevt hebbt, in us Theaterstück verarbeid hebbt. Dat sünd allens wahre Geschichten, segg ik jo. Dor kunn sik woll so manch een woller erkennen. Is doch kloor, dat sik nu nums mehr an us rantroot. Aver dat is us schietegaal. Wi angelt us nu een von de Mannslüüd von Büttenwarder. Tine, wecken von de Jungs nimmst du?
De Sketch mit de swarten Strümp is jo man bloots een lütten Utschnitt ut das Theaterstück, dat Tine un ik ja sülvst schreeven hebbt. Dat ganze Theaterstück is 30 Minuten lang un wi singt dorin ok 3 Leeder. Tine un ik sünd nu fliedig an utwendig lehren, un wenn wi dat köönt, will de Theaterpädagogin Heike Scharf, Diakonin in Rastä, dat inszenieren. Ik bün mi seker, dat dat een wunnerbaar lustig Theaterstück ward. Dormit wüllt wi denn natüürlich opdreden. Man kann us also buchen, wenn´t sowiet is.
Also, bi joe neegste Fier, of Hochtied, Geburtsdag oder Betriebsfier sünd wi viellicht al dorbie, wenn ji us hebben wüllt.

Schlagworte: Irma und Tine

Geschrieben auf: mein-rastede.de